غیر قانونی طور پر بھارت کے زیر قبضہ جموں و کشمیر میں مختلف سڑک حادثات میں ایک پولیس اہلکار سمیت 5 افراد کی موت اور متعدد افرادزخمی ہوگئے ہیں۔کشمیر میڈیا سروس کے مطابق جنوبی کشمیر میں ضلع شوپیاں کے علاقے کنی پورہ میں ایک سڑک حادثے میں ایک پولیس کانسٹیبل ہلاک اور دو زخمی ہو گئے۔ضلع جموں میں دو الگ الگ حادثات میںدو نوجوانوں سمیت چار افراد کی موت جبکہ دو افراد زخمی ہوئے ہیں۔ہلاک ہونے والے نوجوانوں کی شناخت18سالہ جتن منہاس اور15سالہ مہرودا پرتاپ سنگھ کے طورپر ہوئی ہے ۔ اس کے علاوہ ہلاک ہونے والوں میں ایک ٹرک ڈرائیور اور اس کا ہیلپرشامل ہے۔

کریڈٹ: انڈیپنڈنٹ نیوز پاکستان-آئی این پی