چین نے کہا کہ ہماری طویل مدتی معاشی بہترے کے رجحانات میں کوئی تبدیلی نہیں آئی۔ غیرملکی خبررساںادارے کے مطابق یہ بات چینی وزارت خارجہ کے ترجمان لین جیئن نے معمول کی پریس بریفنگ میں سینٹرل اکنامک ورک کانفرنس کے کامیاب انعقاد پر ایک غیر ملکی میڈیا کے تبصرے کے حوالے سے سوال کے جواب میں کہا کہ چین مثبت معاشی ترقی اور کھلے پن کو فروغ دینا جاری رکھے گے۔چینی وزارت خارجہ کے ترجمان نے مزید کہاکہ ہم چین میں سرمایہ کاری کے لئے مزید غیر ملکی دوستوں کا بھی خیرمقدم کریں گے۔ دریںاثناچین کے صدرشی جن پنگ نے مکا یونیورسٹی آف سائنس اینڈ ٹیکنالوجی کا دورہ کیا۔چینی صدر کو مکا یونیورسٹی کے دورہ کے دوران چینی ادویات میں معیاری تحقیق کی اسٹیٹ لیبارٹری اور لونر اینڈ پلینیٹری سائنسز کی اسٹیٹ لیبارٹری کے بارے میں بریفنگ دی گئی۔صدر شی جن پنگ نے یونیورسٹی کے اساتذہ، طلبہ اور سائنسی تحقیق کے ارکان کے ساتھ خوشگوار تبادلہ خیال کیا، اسی دن کی صبح شی جن پنگ کی اہلیہ پنگ لی یوان نے حہ ای چھانگ کی اہلیہ کے ہمراہ مکا میوزیم کا دورہ کیا۔پنگ لی یوان نے میوزیم میں موجود ثقافتی آثار کا بغور معائنہ کیا، مکا کی تاریخی تبدیلیوں ، مشرقی اور مغربی امتزاج کے فن تعمیر، صنعت اور ثقافت کی تفصیلی تفہیم حاصل کی اور ٹائل پینٹنگ اور لکڑی کے نقش نگاری جیسے مقامی غیر مادی ثقافتی ورثے کے وارثوں کے ساتھ خوشگوار تبادلہ خیال کیا۔میوزیم میں پنگ لی یوان نے بچوں کے ساتھ بھی دوستانہ تبادلہ خیال کیا اور کوکیز کی تیاری میں حصہ لینے کے ساتھ ثقافتی اور تخلیقی مصنوعات کی مارکیٹ بھی دیکھی۔پنگ لی یوان نے بچوں کو روایتی ثقافت کی وراثت کو منتقل کرنے اور مادر وطن اور مکا کے لئے محبت کو بروئے کار لانے کے لیے علم اور مہارت سیکھنے اور مکا کی تعمیر اور ملک کی ترقی میں فعال طور پر حصہ لینے کی ترغیب دی۔

کریڈٹ : انڈیپنڈنٹ نیوز پاکستان-آئی این پی