کینیڈا کے نئے ویزا قوانین کے تحت اچانک ہزاروں ورک اور اسٹدی ویزے کینسل کرنے کا فیصلہ کیا گیا ہے جس سے غیر ملکیوں سمیت طالب علموں کے لیے مشکلات کھڑی ہوگئیں۔غیر ملکی میڈیا رپورٹس کے مطابق امیگریشن کو کنٹرول کرنے کے لیے کینیڈا کے نئے اقدامات ممکنہ طور پر بہت سے غیر ملکی طلبا کو نقصان پہنچانے کا سبب بنیں گے، جن میں پاکستانی طلبا بھی شامل ہوسکتے ہیں۔ اس کا ورک پرمٹ اور رہائش کے لیے درخواست دینے والے لوگوں پر بھی اثر پڑے گا۔رپورٹ کے مطابق فروری میں شروع ہونے والے نئے قوانین کینیڈا کے سرحدی حکام (بارڈر آفیشلز) کو یہ اختیار دیتے ہیں کہ اگر وہ ضروری سمجھیں تو کسی بھی وقت طلبا، کارکنوں اور تارکین وطن کے ویزا کی حیثیت تبدیل کر سکتے ہیں یعنی مسترد کرسکتے ہیں۔ یہ نئے قوانین کینیڈا کی اپنے امیگریشن سسٹم میں کی گئی کئی تبدیلیوں کا حصہ ہیں۔

نئے قوانین کینیڈا کے امیگریشن افسران کو مخصوص شرائط کے تحت کچھ دستاویزات، جیسے الیکٹرانک سفری اجازت نامے، ورک پرمٹ، اور اسٹڈی پرمٹ منسوخ کرنے کا زیادہ اختیار دیتے ہیں جیسا کہ کسی فرد کی حیثیت یا حالات تبدیل ہوجائیں تو افسر دستاویزات کو منسوخ کر سکتا ہے، جس سے وہ مزید اہل نہیں رہے گا۔ اسی میں مجرمانہ ریکارڈ رکھنا، یا اس شخص کا انتقال ہو جانے کے حالات شامل ہیں۔ رپورٹ کے مطابق افسر دستاویزات کو اس صورت میں بھی منسوخ کر سکتا ہے اگر اسے شک ہو کہ وہ شخص کینیڈا چھوڑ دے گا اور اس کے قیام کی اجازت ختم ہو جائے گی۔ افسر دستاویزات کو اس وقت بھی منسوخ کر سکتا ہے اگر وہ گم ہو جائیں، یا چوری ہو جائیں۔ویزا قوانین میں تبدیلیاں کینیڈا کے امیگریشن قوانین کو سخت بنانے کے منصوبے کا حصہ ہیں۔

کریڈٹ: انڈیپنڈنٹ نیوز پاکستان-آئی این پی