جمہوریہ کانگو کے صوبہ اکواٹر میں ایک مسافر بردار کشتی سمندر برد ہونے کے نتیجے میں 40افراد ہلاک اور 167لاپتہ ہو گئے ہیں،کانگو کے سرکاری میڈیا کے مطابق کشتی رات کے وقت ، صوبہ اکواٹر کے قصبے 'مبانڈاکا 'کی بندرگاہ سے روانگی کے بعد براستہ دریائے کانگو بلوما کی طرف عازم سفر ہوئی،روانگی سے مختصر مدت کے بعد ضرورت سے زیادہ بوجھ کی وجہ سے کشتی سمندر برد ہو گئی۔ کشتی میں سوار مسافروں میں سے 40ہلاک اور 167لاپتہ ہو گئے ہیں،حادثے میں 190افراد کو بچا لیا گیا ہے اور امدادی کاموں کا سلسلہ جاری ہے۔

کریڈٹ: انڈیپنڈنٹ نیوز پاکستان-آئی این پی