کانگو کے دارالحکومت کنشاسا میں بارش اورسیلاب کی تباہ کاریوں کے باعث ملک بھر میں 3 روزہ سوگ کا اعلان کر دیا گیا۔غیر ملکی میڈیا کے مطابق افریقی ملک کانگو کے دارالحکومت کشاسا میں بارش اور سیلاب کی تباہ کاریاں جاری ہیں جس کے نتیجے میں 120 کے لگ بھگ افراد جان کی بازی ہار چکے ہیں۔رپورٹ کے مطابق بارش اور سیلاب کے باعث دارالحکومت اور مرکزی بندر گاہ کو جوڑے والا ہائی وے بھی بری طرح ٹوٹ پھوٹ کا شکار ہوگیا ہے جسے 3 دن کیلئے بند کردی گیا ہے۔مقامی حکام کا کہنا تھا کہ کنشاسا میں کئی علاقے زیرِ آب آ گئے ہیں اور سڑکوں پر گڑھے پڑ گئے ہیں، بدترین تباہ کاری پر حکومت کی جانب سے پورے ملک میں 3 روزو سوگ کا اعلان کیا گیا ہے۔

کریڈٹ: انڈیپنڈنٹ نیوز پاکستان-آئی این پی