یوکرین کے صدر ولادیمیرزیلنسکی امریکا کا دورہ مکمل کر کے وطن واپس پہنچ گئے۔ غیر ملکی میڈیا کے مطابق یوکرینی صدر زیلنسکی کا ک دورہ امریکا کے بعد کیف واپس پہنچنے پر کہنا تھا کہ ان کی افواج "فتح کی طرف کام کر رہی ہیں" یہاں تک کہ روس نے متنبہ کیا ہے کہ جنگ کا خاتمہ اس وقت تک نہیں ہو گا جب تک وہ اپنے فوجی مقاصد حاصل نہ کرلے۔ زیلنسکی نے اپنے ٹیلیگرام اکاونٹ پر پوسٹ کیا کہ وہ اپنے امریکی دورے کے بعد کیف کے دفتر میں ہیں، دورے کے دوران انہوں نے 1.8 بلین ڈالر کا نیا فوجی امدادی پیکج حاصل کیا، اور عہد کیا کہ ہم ہر چیز پر قابو پالیں گے ، واشنگٹن کے ساتھ اسٹریٹجک معاہدے نئے سال میں کیف کی دفاعی افواج کو مضبوط کریں گے۔ اس سے قبل انہوں نے ہالینڈ کا 2023 کے لیے 2.5 بلین یورو (2.65 بلین ڈالر)تک کا وعدہ کرنے پر شکریہ ادا کیا، تاکہ فوجی سازوسامان کی ادائیگی اور اہم انفراسٹرکچر کی تعمیر نو میں مدد کی جا سکے۔

کریڈٹ: انڈیپنڈنٹ نیوز پاکستان-آئی این پی