امیوزمینٹ پارک میں کھیلنے کے لیے آئی ہوئی 4 سالہ بچی گلے میں پھندا لگنے سے ہلاک ہوگئی۔ غیرملکی میڈیا کے مطابق یوکرین میں 4 سالہ بچی بانسنگ کاسل میں کھیلنے میں مصروف تھی کہ اچانک کاسل کی رسی اس کے گلے سے لپٹ گئی۔ اس دوران بچوں کی نگرانی پرمتعین خواتین اہلکار اپنے موبائل فون پر مصروف تھیں۔ پولیس کے مطابق بچی کی والدہ نے دیر ہوجانے پر بچی کی تلاش ہوئی تو بچی کی موت کا انکشاف ہوا۔ بچی کی والدہ اسے گرمی کے باعث بے ہوش سمجھ کر اٹھاتی رہیں۔ پارک کے مالک اور عملے کو حراست میں لے لیا گیا ہے۔پارک کو فی الحال پبلک کے لیے بند کردیا گیا ہے۔ واقعہ کی مزید تحقیقات جاری ہیں۔

کریڈٹ: انڈیپنڈنٹ نیوز پاکستان-آئی این پی