i بین اقوامی

یوکرین سے اپنے پیسے واپس لیں گے ، اس کیلئے سکیورٹی ضمانت ہم نہیں، یورپ دے گا،صدر ٹرمپتازترین

February 27, 2025

امریکی صدر ڈونلڈ ٹرمپ نے کہا ہے کہ یوکرینی صدر زیلنسکی جمعے کو ایک بڑی ڈیل پر دستخط کرنے آ رہے ہیں، یوکرین سے اپنے پیسے واپس لیں گے ، یوکرین کیلئے سکیورٹی ضمانت ہم نہیں، یورپ دے گا۔غیر ملکی میڈیا رپورٹس کے مطابق امریکا کے صدر ڈونلڈ ٹرمپ کی زیرصدارت کابینہ کا پہلا اجلاس ہوا جس میں انہوں نے دنیا بھر سے امیر ترین افراد کو امریکی شہریت کیلئے گولڈ کارڈ کی فروخت شروع کرنے کا اعلان کیا۔ صدر ٹرمپ نے کہا کہ کمپنیاں گولڈ کارڈ کے ذریعے ملازمین کو مائل کرسکتی ہیں، امید ہیدو ہفتیمیں گولڈ کارڈ کی فروخت شروع ہوجائیگی۔ٹرمپ نے کابینہ سے خطاب میں کہا کہ یوکرینی صدر زیلنسکی جمعے کو ایک بڑی ڈیل پر دستخط کرنے آ رہے ہیں۔یوکرین سے اپنے پیسے واپس لیں گے ،یوکرین کیلئے سکیورٹی ضمانت امریکا نہیں، یورپ دے گا۔صدرٹرمپ نے کہا کہ یقین ہے یوکرین جنگ ختم ہوجائے گی، چینی صدر شی جن پنگ سے اچھے تعلقات ہیں،چاہتے ہیں چین امریکا میں سرمایہ کاری کرے، امریکا بھی چین میں سرمایہ کاری کرے گا۔صدر ٹرمپ نے بتایا کہ وہ جلد یورپی یونین پر ٹیکس لگانے کا اعلان کریں گے۔ میکسیکو اور کینیڈا سے درآمدات پر نئے ٹیکس کا اطلاق 2 اپریل سے ہوگا۔غزہ کے حوالے سے انہوں نے کہا کہ غزہ جنگ بندی پر آگے کیسے بڑھنا ہے فیصلہ اسرائیل نے کرنا ہے۔اس کے علاوہ امریکی صدر نے کہا کہ اخراجات میں کمی نہ کی تو امریکا دیوالیہ ہوجائے گا۔دوسری جانب صدر کے مشیر ایلون مسک نے کہا کہ ٹریلین ڈالرخسارے کمی لانے کیلئے تیزی سے آگے بڑھنے کی ضررت ہے۔

کریڈٹ: انڈیپنڈنٹ نیوز پاکستان-آئی این پی