حزب اللہ کے ڈرون طیارے کی مقبوضہ گولان پٹی پر پرواز سے اسرائیل میں کھلبلی مچ گئی،عرب میڈیا کے مطابق ہدہد 2نامی ڈرون نے مقبوضہ گولان پٹی کا فضائی جائزہ لیا اور حساس مقامات کی ویڈیو بھی بنائی،غیر ملکی میڈیا کے مطابق 10منٹ دورانیے کی ویڈیو میں مقبوضہ گولان پٹی میں اسرائیلی فوج کی 17تنصیبات کو دکھایا گیا ہے،عرب میڈیا کے مطابق ویڈیو میں نظر آنے والی تنصیبات میں اسرائیلی فوج کے کمانڈ ہیڈ کواٹرز، توپ خانے، آئرن ڈوم پلیٹ فارم اور ریڈار شامل ہیں،عرب میڈیا کا بتانا ہے کہ ڈرون کی فوٹیج سامنے آنے پر اسرائیلی وزیر خارجہ کی جانب سے حزب اللہ کے سربراہ کو دھمکی بھی دی گئی ہے،اسرائیلی وزیر خارجہ کا کہنا ہے کہ اشتعال انگیزی نہ روکی گئی تو لبنان کی تباہی کا ذمہ دار حزب اللہ ہوگی،خیال رہے کہ گزشتہ ماہ بھی حزب اللہ نے اسرائیلی کی اہم تنصیبات کی ڈرون ویڈیو جاری کی تھی جس میں حیفہ کی بندرگاہ اور ائیرپورٹ کے مناظر بھی شامل تھے۔

کریڈٹ: انڈیپنڈنٹ نیوز پاکستان-آئی این پی