بھارت میں گھر والوں سے چوری ساحل پر ویلنٹائنز ڈے منانے گئے لڑکا لڑکی سمندر میں ڈوب کر ہلاک ہو گئے،بھارتی میڈیا کے مطابق 26سالہ سپریا ڈوبے نامی لڑکی اور 27سالہ وبھو شرما نامی لڑکے کا تعلق ریاست اترپردیش سے تھا، دونوں ویلنٹائنز ڈے منانے کے لیے بھارت کے معروف ساحلی سیاحتی شہر گووا گئے تھے،ساحل پر سپریا غلطی سے گہرے پانی میں چلی گئی جہاں سمندر کی لہریں اسے اپنے ساتھ بہا لے گئیں، سپریا کو ڈوبتے دیکھ کر وبھو نے اسے بچانے کے لیے پانی میں چھلانگ لگا دی اور وہ بھی لہروں کی نذر ہو گیا،دونوں کے گھر والوں کو یہی علم تھا کہ وہ ممبئی اور بنگلور میں ہیں جبکہ وہ 14فروری کو گووا میں موجود تھے جہاں ان کے ساتھ یہ افسوسناک واقعہ پیش آ گیا،پولیس کے مطابق سپریا کی لاش اگلی صبح 7بجے ملی جبکہ وبھو کی لاش اس سے کچھ فاصلے پرہی اگلی دوپہر کو ملی۔پولیس کے مطابق سپریا اور وبھو باہم رشتہ دار بھی تھے۔

کریڈٹ: انڈیپنڈنٹ نیوز پاکستان-آئی این پی