دبئی ایئرپورٹ میں سفر کرنے والے 2 مسافروں 5 لاکھ درہم مالیت کا سونا امارات میں سمگل کرنے کی کوشش کرتے ہوئے پکڑے گئے، غیر ملکی میڈیا کے مطابق کسٹمز افسران نے 2.3 کلو 24 کیرٹ سونا قبضے میں لے لیا جسے پگھلا کر بیلٹ بکل بنایا گیا تھا ، تقریبا 4 لاکھ 85 ہزار 700 درہم مالیت کے سونے کو کئی تھیلوں اور بیلٹوں میں تقسیم کیا گیا تھا، جن کو مسافروں نے پہننے یا اپنے سوٹ کیس میں جوڑنے سے پہلے سونے کی رنگ کو چھپانے کے لیے اس پر پینٹ بھی کیا۔ڈائریکٹر پیسنجر آپریشنز ڈیپارٹمنٹ ابراہیم کمالی نے کہا کہ جب مسافروں کے بیگ کو اسکین کیا گیا تو اس میں سونے کی تبدیلی دکھائی دے رہی تھی، مکمل جانچ پڑتال کے بعد ہم نے دریافت کیا کہ تھیلے میں موجود تمام بکل خالص سونے کے بنے ہوئے تھے اور انہیں مختلف رنگوں میں پینٹ کیا گیا تھا، اس حوالے سے کی گئی مزید تفتیش کے نتیجے میں ان کے ساتھ دیگر مسافروں کی آمدورفت کو ناکام بنایا گیا-

کریڈٹ: انڈیپنڈنٹ نیوز پاکستان-آئی این پی