ایرانی پارلیمنٹ کے اسپیکر محمد باقر قالیبات نے کہا ہے کہ برکس پارلیمانی فورم علاقائی و بین الاقوامی سطح پر بہت موثر ہے۔ ایرانی پارلیمان کی خبر رساں ایجنسی آئی سی اے این اے کے مطابق انہوں نے ان خیالات کا اظہار تہران سے جنوبی افریقہ کے شہر جوہانسبرگ روانہ ہونے سے قبل صحافیوں سے گفتگو کرتے ہوئے کیا۔ نیم سرکاری خبر رساں ایجنسی مہر نے قالیبات کے حوالے سے کہا کہ ایران کثیرالجہتی اصولوں کی بنیاد پر اور علاقائی و بین الاقوامی تعلقات کو فروغ دینے کے مقصد سے فورم میں شرکت کرتا ہے۔ ایرانی عہدیدار نے کہا کہ یہ فورم برکس اور افریقی ممالک کے درمیان تعلقات کو مضبوط بنانے میں مدد دے گا جس سے ایران کو جنوبی افریقہ اور دیگر افریقی ممالک سمیت برکس کے رکن ممالک کے ساتھ پارلیمانی تعلقات کو فروغ دینے کا موقع ملے گا۔ قالیبات نے اس بات پر زور دیا کہ ایران کی نئی برکس رکنیت توانائی، نقل و حمل اور سائنس کے شعبوں میں ملک کی صلاحیتوں کو مدنظر رکھتے ہوئے علاقائی و بین الاقوامی ریاستوں کے ساتھ تعلقات کو فروغ دینے کے لئے تیار کر سکتی ہے۔

کریڈٹ: انڈیپنڈنٹ نیوز پاکستان-آئی این پی