روس نے ترکیہ کی برکس میں دلچسپی پراطمینان کا اظہار کیا ہے۔روس صدارتی پیلس کریملن کے ترجمان دمتری پیسکوف نے دارالحکومت ماسکو میں برکس کے بارے میں ترکیہ کے موقف پرکہا کہ ہم ترکیہ جیسے اہم اتحادی اور دیگر ہمسایہ ممالک کی برکس میں دلچسپی کا خیر مقدم کرتے ہیں۔ یقینا روس کی زیرِ صدارت متوقع برکس سربراہی اجلاس میں اس رجحان اور دلچسپی پر غور کیا جائے گا۔ ممکن ہے کہ رکنیت کے خواہش مند تمام ممالک کے مفادات مکمل طور پر پورے نہ ہو سکیں لیکن برکس اپنی طرف رجحان رکھنے والے تمام ممالک کے ساتھ رابطے کے حق میں ہے،پیسکوف نے کہا ہے کہ ہم متعدد ضابطہ ہائے عمل پر کام کر رہے ہیں۔ اگرچہ یہ ایک وقت طلب مرحلہ ہے لیکن ہم اس بھرپور دلچسپی کا خیر مقدم کرتے ہیں۔

کریڈٹ: انڈیپنڈنٹ نیوز پاکستان-آئی این پی