مغربی بوسنیا کے ایک علاقے سنسکی موسٹ میں ایک ہائی اسکول کے اندر بدھ کے روز اسکول کے ایک ملازم نے فائرنگ کی جس کے نتیجے میں اسٹاف کے تین لوگ ہلاک ہوگئے،عالمی میڈیا کے مطابق پولیس کو مقامی وقت کے مطابق صبح 10بج کر 15منٹ پر اطلاع دی گئی کہ ایک شخص نے اسکول میں خودکار رائفل سے فائرنگ کی ہے،انہوں نے کہا کہ فائرنگ کرنے والے نے اسکول کے ڈین، سیکرٹری اور ایک استاد کو قتل کر دیا ہے، اس کے بعد اس نے خودکشی کرنے کی کوشش کی اور وہ شدید زخمی ہو گیا،عالمی میڈیا کی رپورٹ کے مطابق گرمیوں کی تعطیلات کے بعد سے اسکول ابھی تک دوبارہ نہیں کھلا اس لیے اسکول میں کوئی بھی بچہ موجود نہیں تھا، عینی شاہدین نے کہا کہ ایک چوکیدار جس کی انتظامیہ کے ساتھ اختلاف تھے اس نے مخصوص لوگوں کو تلاش کیا اور انہیں گولی مار دی۔

کریڈٹ: انڈیپنڈنٹ نیوز پاکستان-آئی این پی