بھارت کے شہر اتراکھنڈ میں مسافر بس گہری کھائی میں گرگئی جس کے نتیجے میں خواتین بچوں سمیت 36 مسافر ہلاک ہوگئے۔بھارتی میڈیا کے مطابق واقعہ الموڑہ ضلع میں پیش آیا، تقریبا 45 نشستوں والی مسافر بس گڑھوال سے کماون جاتے ہوئے مارچولا میں 200 میٹر گہری کھائی میں گر گئی۔پولیس اور ریاستی ڈیزاسٹر ریسپانس فورس نے جائے حادثہ پر ریسکیو آپریشن شروع کر دیا ہے۔وزیر اعلی پشکر سنگھ دھامی نے کہا ہے کہ ضلع انتظامیہ کو ریسکیو آپریشن تیز کرنے کے لیے کہا گیا ہے۔ انہوں نے سوشل میڈیا ویب سائٹ ایکس پر کہا کہ الموڑہ ضلع کے مارچولا میں پیش آنے والے بدقسمت بس حادثے میں مسافروں کی ہلاکت کی انتہائی افسوسناک خبر موصول ہوئی ہے۔

کریڈٹ: انڈیپنڈنٹ نیوز پاکستان-آئی این پی