بھارت میں عجیب واقعہ نے پولیس کو بھی سر پیٹنے پر مجبور کردیا ۔ بھارتی ریاست مدھیہ پردیش کے علاقے بالاگھاٹ میں ایک لڑکی نے 2 ماہ کے اندر 2 شادیاں کر ڈالیں۔ جب پہلے شوہر کو بیوی غائب ملی تو وہ پولیس کے پاس پہنچ گیا، پولیس نے لڑکی کی تلاش کی تو پتہ چلا کہ اس نے دوسری شادی کر لی ہے۔اس واقعے کے بعد اب دونوں شوہر اپنی بیوی کو واپس پانے کے لیے پولیس اسٹیشن کے چکر کاٹ رہے ہیں۔ جبکہ پولیس لڑکی کے خلاف مقدمہ درج کرنے کی تیاری کر رہی ہے۔ پولیس کا کہنا ہے کہ اس معاملے میں جو بھی ثبوت سامنے آئیں گے اس کے مطابق قانونی کارروائی کی جائے گی۔ لڑکی کی شناخت 24 سالہ جیوتی ناگپور کے نام سے ہوئی ہے۔ مذکورہ خاتون نے پولیس کو بتایا کہ اس نے پہلے روہت اپوانشی کے ساتھ کورٹ میرج کی تھی اور پھر 2 ماہ بعد اس نے راہل بردے کے ساتھ بھی کورٹ میرج کرلی۔یہ واقعہ اس وقت سامنے آیا جب روہت اپوانشی نے کھیرلانجی پولیس اسٹیشن میں اپنی بیوی کی گمشدگی کی شکایت درج کرائی۔ بھارتی اخبار کے مطابق روہت کی شکایت کے بعد پولیس نے جیوتی کی تلاش شروع کی۔

جب پولیس کو خاتون کا پتہ چلا تو انہیں معلوم ہوا کہ جیوتی نے دوسری شادی کر لی ہے۔منظور وسان نے عمران خان کی رہائی سے متعلق پیشگوئی کردی ۔اس کے بعد خاتون کے دونوں شوہر تھانے پہنچ گئے۔ جہاں دونوں کے درمیان تکرار شروع ہو گئی کہ جیوتی کو کون لے جائے گا۔اس تکرار کے درمیان خاتون نے کہا کہ وہ اپنے دوسرے شوہر کے ساتھ رہنا چاہتی ہے اور جلد ہی اپنے پہلے شوہر کو طلاق دیدے گی۔وہیں پہلے شوہر یعنی روہت اپوانشی نے پولیس کو بتایا کہ ان کا اور جیوتی کا رشتہ 8 سال پرانا ہے۔ ابھی دو ماہ پہلے ہی اس کی شادی ہوئی تھی۔ جیوتی ایک ہفتہ پہلے یہ کہہ کر گئی تھی کہ اس کی ماں کی طبیعت خراب ہے، اس کے بعد وہ واپس نہیں آئی۔ اب اس معاملے میں پولیس کا کہنا ہے کہ اگر اس کے پہلے شوہر نے بیوی کے خلاف شکایت کی تو خاتون کے خلاف مقدمہ درج کیا جائے گا۔

کریڈٹ : انڈیپنڈنٹ نیوز پاکستان-آئی این پی