اسرائیلی فورسز کے غزہ پرایک ہفتے سے جاری حملوں میں اب تک 91فلسطینی شہید اور 251زخمی ہوچکے ہیں۔ اسرائیلی فورسزنے فلسطینی پناہ گزین کیمپ نصیرات پر ایک ہفتے کے دوران 63بار حملے کیے۔ غیر ملکی میڈیا کے مطابق اسرائیلی بمباری سے متعدد عمارتیں ملبے کا ڈھیر بن گئیں۔ خواتین اور بچوں سمیت اب بھی درجنوں افراد ملبے تلے دبے ہوئے ہیں اور ریسکیو اہلکاروں کو ملبے تلے افراد تک پہنچنے سے قاصر ہیں۔ سات اکتوبر 2023سے اب تک اسرائیل کے غزہ پرحملوں میں 38ہزار 983فلسطینی شہید ہوچکے ہیں جبکہ زخمیوں کی تعداد 89ہزار سے تجاوز کرچکی ہے۔دوسری جانب اسرائیل کے وزیراعظم نیتن یاہو نے اعلان کیا ہے کہ یرغمالیوں کی رہائی کے لیے مذاکرات دوبارہ شروع کرنے کے لیے اسرائیلی وفد جمعرات کو جائے گا تاہم انہوں نے اس بارے میں مزید تفصیل نہیں بتائی۔ اسرائیلی وزیراعظم رواں ہفتے امریکا کا دورہ کریں گے۔

کریڈٹ: انڈیپنڈنٹ نیوز پاکستان-آئی این پی