انڈونیشیا میں 5.6شدت کے زلزلے کے نتیجے میں 44افراد ہلاک ہوگئے، انڈونیشیا کے صوبہ ویسٹ جاوا میں زلزلہ آیا تھا جس کے جھٹکے دارالحکومت جکارتہ میں بھی محسوس کیے گئے،یو ایس جیولوجیکل سروے کے مطابق زلزلے کا مرکز ویسٹ جاوا کا علاقہ سیانجر تھا اور اس کی گہرائی 10 کلومیٹر تھی،حکام کے مطابق زلزلے کے باعث کم از کم 44افراد ہلاک ہوئے جبکہ سیکڑوں زخمی ہوئے، زلزلے سے ممکنہ طور پر ہزاروں گھروں کو نقصان پہنچا ہے اور امدادی کام جاری ہے،حکام کی جانب سے کہا گیا کہ زلزلے کے مرکز کے قریب افراد کو محتاط رہنا چاہیے کیونکہ آفٹرشاکس کا خطرہ موجود ہے،زلزلے کے جھٹکوں سے جکارتہ میں بھی متعدد عمارات 3منٹ تک لرزتی رہیں جبکہ کچھ کو خالی بھی کرایا گیا۔

کریڈٹ: انڈیپنڈنٹ نیوز پاکستان-آئی این پی