انڈونیشیا کے سولاویسی جزیرے پر کشتی ڈوبنے سے 15 افراد ہلاک جبکہ 19 لاپتہ ہوگئے۔ حکام کے مطابق کشتی میں 40 افراد سوار تھے۔ 6 کو ریسکیو کرکے قریبی اسپتال منتقل کردیا گیا ہے۔ دوٹیمیں لاپتہ مسافروں کی تلاش میں مصروف ہیں۔ خیال رہے کہ 17 ہزار جزائر پر مشتمل جنوب مشرقی جزیرے میں سمندری حادثات کوئی نئی بات نہیں۔ 2018 میں سماٹرا جزیرے پر دنیا کی سب سے گہری جھیلوں میں سے ایک میں کشتی ڈوبنے سے 150 سے زائد افراد ہلاک ہو گئے تھے۔ گذشتہ سال مئی میں ایک فیری جس میں 800 سے زائد افراد سوار تھے، مشرقی نوسا ٹینگگارا صوبے کے قریب گہرے پانیوں میں ڈوب گئی تھی اور دو دن تک پھنسی رہی تاہم اس حادثے میں کوئی زخمی نہیں ہوا تھا۔

کریڈٹ: انڈیپنڈنٹ نیوز پاکستان-آئی این پی