ہانگ کانگ کے چڑیا گھر میں بیکٹیریل انفیکشن پھیل گیا جس سے ایک درجن کے قریب بندروں کی ہلاکت ہوگئی ہے۔برطانوی خبر رساں اداریکے مطابق چڑیا گھر میں بیکٹیریل انفیکشن پھیلنے سے گزشتہ 10 دنوں میں اب تک 12 بندر ہلاک ہوچکے ہیں۔انفیکشن سے ہلاک ہونے والے 12 ویں بندر کا تعلق ڈی برازا نسل سے ہے جسے دیگر بندروں کی اموات کے بعد 13 اکتوبر سے ہی سب سے لگ رکھا ہوا تھا۔ بندر کی پوسٹ مارٹم رپورٹ میں انکشاف ہوا ہے کہ اس میں کافی تعداد میں بیکٹیریا پایا گیا ہے جو ممکنہ طور پر پنجرے کے قریب موجود مٹی کی وجہ سے آیا۔اسی حوالے سے ہانگ کانگ کے ثقافت، کھیل اور سیاحت کے سیکرٹری نے میڈیا کو بتایا کہ خیال کیا جارہا ہے پنجروں کے قریب مٹی کھودنے والے مزدور اپنے جوتوں کے ذریعے آلودہ مٹی لائے تھے۔میڈیا رپورٹس کے مطابق بندر کی موت کے بعد چڑیا گھر میں موجود دیگر 78 جانوروں کا طبی معائنہ بھی کیا گیا جہاں ان کی صحت کو خطرے سے باہر قرار دیا گیا ہے۔

کریڈٹ: انڈیپنڈنٹ نیوز پاکستان-آئی این پی