امریکی صدر ڈونلڈ ٹرمپ امریکا میں غیر قانونی مقیم تارکین وطن کیلئے رجسٹری بنانے کا ارادہ رکھتے ہیں ۔غیرملکی میڈیا رپورٹس کے مطابق ٹرمپ انتظامیہ نے غیر قانونی سرحدی نقل و حرکت پر قابو پانے کے لیے ایک وفاقی رجسٹری بنانے کا ارادہ کیا ہے، جس میں غیر قانونی تارکین وطن کو رجسٹریشن کرانے اور فنگر پرنٹ جمع کرانے ہوں گے۔ امریکی محکمہ ہوم لینڈ سکیورٹی کے حکام کے بیان کے مطابق، 14 سال اور اس سے زائد عمر کے تمام غیر قانونی تارکین وطن کو اپنی رجسٹریشن کروانی ہوگی۔امریکی اخبار کی رپورٹ کے مطابق رجسٹری تارکین وطن کو اپنی ذاتی معلومات جمع کرانے یا جرمانے اور قیدکی سزا کیلئے ہوگی۔واضح رہے کہ اقتدار سنبھالتے ہی ٹرمپ نے غیر قانونی امیگریشن کو قومی ایمرجنسی قرار دیتے ہوئے ایک وسیع کریک ڈان نافذ کرنے کا اعلان کیا تھا جس کے بعد تارکین وطن کو امریکا بدر کرنے کا سلسلہ شروع ہوگیا۔

کریڈٹ: انڈیپنڈنٹ نیوز پاکستان-آئی این پی