امریکی ریاست ورجینیا اور شمالی کیرولینا میں خطرناک برفانی طوفان نے تباہی مچادی۔ برفانی طوفان کے نتیجے میں 500 ٹریفک حادثات رپورٹ ہوئے، جبکہ 4 افراد ہلاک اور 45 افراد زخمی ہوگئے۔میڈیا رپورٹس میں بتایا گیا کہ امریکی ریاست ورجینیا اور شمالی کیرولینا کی سرحد کے قریب تیز ترین برفباری ریکارڈ کی گئی ہے، بتایا گیا ہے کہ ساڑھے 12 انچ برف پڑی ہے جس سے نظام زندگی درہم برہم ہوکر رہ گئی ہے۔ امریکی حکام کی جانب سے برفانی طوفان آنے کے بعد ایمرجنسی نافذ کردی گئی ہے۔

کریڈٹ: انڈیپنڈنٹ نیوز پاکستان-آئی این پی