امریکہ کے صدر جو بائیڈن نے کہا ہے کہ ملک میں بچوں کی اموات کا سب سے بڑا سبب اسلحہ ہے،صدر بائیڈن نے وائٹ ہاوس میںگذشتہ سال ٹیکساس کے قصبے یوویلڈی میں ایک پرائمری اسکول پر کئے گئے اور 19طالبعلموں اور 2اساتذہ کی ہلاکت کا سبب بننے والے حملے کی پہلی برسی کے موقع پر اپنی اہلیہ جِل بائیڈن کے ہمراہ منعقدہ تقریب کے موقع پر انہوں نے کہا کہ عوام کو غیر مسلح کرنے کے لئے اٹھائے گئے اقدامات ناکافی ہیں،انہوں نے کہا ہے کہ AR-15لانگ بیرل بندوقوں اور نیم خودکار اسلحے کو ممنوع قرار دیا جانا ضروری ہے کیونکہ اس وقت امریکہ میں بچوں کی اموات کا سب سے بڑا سبب اسلحہ ہے۔ جب تک کانگریس اسلحہ مالکان سے متعلق منطقی قوانین پاس نہیں کرتی یہ حملے ختم نہیں ہوں گے،بائیڈن نے کہا کہ یہ وقت بحیثیت ڈیموکریٹ یا پھر بحیثیت ریپبلکن بات کرنے کا وقت نہیں بلکہ بحیثیت دوست، ہمسایہ، والدین اور امریکی کے قدم اٹھانے اور آواز بلند کرنے کا وقت ہے،انہوں نے کہا کہ یوویلڈی کے حملے سے لے کر اب تک ملک بھر میں 650سے زائد اجتماعی مسلح حملوں کے واقعات پیش آ چکے ہیں۔

کریڈٹ: انڈیپنڈنٹ نیوز پاکستان-آئی این پی