ایرانی جیل میں ایک کرد خاتون نے بطور احتجاج ہونٹ سی لیے، عرب میڈیا کے مطابق ایران میں جیل میں بند ایک کرد خاتون نے جیل سے چھٹی نہ ملنے کے خلاف بھوک ہڑتال کے آغاز پر اپنے ہونٹوں کو سی لیا، سہیلہ محمدی نے پانچ سال کی مدت کے تین سال گزار لیے ہیں۔ سہیلہ نے یہ کارروائی شمال مغربی ایران کے شہر ارمیا میں واقع جیل میں کی،خاتون کو 2020 میں گرفتار کیا گیا تھا۔ اسے مسلح گروپ کردستان فری لائف پارٹی کی رکنیت پر سزا سنائی گئی۔ یہ گروپ ایران کی کرد اقلیت کے لیے خود ارادیت کے حق پر زور دیتا ہے۔ گروپ پڑوسی ملک ترکیہ میں کالعدم کردستان ورکرز پارٹی سے وابستہ ہے،سہیلہ محمدی ایک بچے کی ماں ہیں۔ انہوں نے اس سال کے شروع میں اپنے سینے میں چھرا گھونپ کر خودکشی کی کوشش بھی کی تھی۔ اس وقت ان کے ساتھی قیدیوں کی مداخلت کے باعث ان کی جان بچ گئی تھی۔

کریڈٹ: انڈیپنڈنٹ نیوز پاکستان-آئی این پی