ایران کے جنوب مغربی علاقے میں فائرنگ کے واقعے میں سیکورٹی اہلکاروں سمیت 5افراد ہلاک ہوگئے،غیرملکی میڈیا کے مطابق ایران کے جنوب مغربی شہر ایذہ میں موٹر سائیکل پر سوار مسلح افراد نے ایک مارکیٹ میں فائرنگ کردی جس کے نتیجے میں پانچ افراد ہلاک اور 15زخمی ہوگئے۔حکام کا کہنا تھا کہ ہلاک ہونے والوں میں سیکورٹی اہلکار بھی شامل ہیں، مزید تحقیقات جاری ہیں،گزشتہ ماہ ایران میں ایک مزار پر حملے میں 15افراد ہلاک اور متعدد زخمی ہوئے تھے۔ داعش نے مزار پر حملے کی ذمہ داری قبول کی تھی۔

کریڈٹ: انڈیپنڈنٹ نیوز پاکستان-آئی این پی