امریکی صدر ٹرمپ نے کہا ہے کہ ان کے مشیر ایلون مسک کو کوئی بھی فیصلہ کرنے سے قبل میری اجازت لینی ہوگی۔غیر ملکی میڈیا کے مطابق حال ہی میں امریکی صدر نے میڈیا کے نمائندوں سے بات چیت کے دوران کہا کہ ایلون مسک ہماری اجازت کے بغیر کچھ نہیں کر سکتے اور نہ ہی کریں گے۔ امریکی صدر کا کہنا تھا کہ ایلون مسک کو جہاں مناسب سمجھا منظوری دیں گے اور جہاں نامناسب سمجھا تو ہماری ٹیم انہیں منظوری نہیں دے گی۔امریکی میڈیا کی رپورٹ کے مطابق ٹرمپ انتظامیہ نے ایلون مسک کی ٹیم کو وفاقی ادائیگیوں کے نظام تک رسائی دی ہے جو ہر سال سرکاری فنڈز میں کھربوں ڈالرز کے معاملات کو کنٹرول کرتا ہے۔ میڈیا رپورٹس کے مطابق ایلون مسک کی قیادت میں بنایا جانے والا یہ ڈپارٹمنٹ آف گورنمنٹ ایفیشینسی (ڈی او جی ای) سرکاری محکمہ نہیں ہے بلکہ یہ انتظامیہ کے اندر ایک ٹیم ہے۔ایلون مسک کی زیرِ قیادت اس محکمے کو لاکھوں امریکیوں کی حساس ذاتی معلومات تک رسائی فراہم کی گئی ہے۔واضح رہے کہ ایلون مسک دنیا کے امیر ترین آدمی ہیں اور انہیں ڈونلڈ ٹرمپ کا قریبی مشیر سمجھا جاتا ہے۔

کریڈٹ: انڈیپنڈنٹ نیوز پاکستان-آئی این پی