مودی سرکار کی اقتدار کی ہوس نے بھارتی فوج کو بھی اپنی لپیٹ میں لے لیا،جون 2022میں متعارف کرائی گئی اگنی ویراسکیم مودی سرکارکے اپنے ہی گلے پڑ گئی،اس اسکیم کے تحت بھارتی نوجوان توپہلے سے مایوسی کا شکار تھے اب بھارتی فوجی بھی مودی کی بھونڈی سیاست کا شکار ہو رہے ہیں،اگنی ویر اسکیم کی تحت فوج میں بھرتی ہونیوالے اجے کمار کی گذشہ روز قبل موت نے مودی کی اسکیم پر کئی سوالات کھڑے کر دیے،اگنی ویر اجے کمار کے والد نے بتایا کہ انہیں بیٹے کی موت پر فوج سے معاوضے کے طور پر 98لاکھ روپوں کا وعدہ کیا گیا۔والد اجے کمار کا کہنا ہے کہ کیا ان پیسوں سے ہمارا بیٹا واپس آسکتا ہے،اسی بیان سی چند روز قبل راہول گاندھی نے اجے کمار کیوالد سے ملاقات کی تھی،تب انکے والد نے دعوی کیا تھا کہ انہیں مودی سرکار سے کوئی مالی مدد نہیں ملی۔ثبوت کے طور پر ویڈیو میں اجے کمار کے والد چرنجیت سنگھ کو یہ کہتے ہوئے سنا جا سکتا ہے کہ راج ناتھ سنگھ نے کہا کہ ہمیں ایک کروڑ روپے ملے ہیں،وہ جھوٹ بول رہے ہیں ہمیں ابھی تک کوئی رقم نہیں ملی،راہول گاندھی پارلیمنٹ میں ہمارے لیے آواز اٹھا رہے ہیں اور اگنی پت اسکیم کو روکنا چاہیے،بھارتی میڈیا رپورٹس کے مطابق دو دن بعد اجے کمار کے والد کا یہ بیان اس بات کا ثبوت ہے کہ انکو ڈرا دھمکا کر ذبردستی تبدیل شدہ بیان دینے پر مجبور کیا گیا ہے،اجے کمار کے والد نے بھارتی چینل کو انٹرویو دیتے ہوئے یہ بھی کہا کہ"ہم اپنے بیٹے کے لیے شہید کا درجہ چاہتے ہیں اس نے قوم کے لیے اپنی جان دے دی"اب تک اسے نہ تو شہید کا درجہ دیا گیا ہیاور نہ ہی کوئی ایسی سہولتیں جو کسی شہید کے خاندان کو ملتی ہیں،والد نے مزید کہا کہ"ہمیں پنشن یا کوئی طبی مراعات نہیں ملیں گی جو ایک فوجی افسر وصول کرتا ہے"اس امرمیں کوئی شک نہیں کہ مودی سرکار اپنے سیاسی مفادات کے لیے ملک کے جوانوں کا سودا کرنے سے بھی گریز نہیں کرتی۔

کریڈٹ: انڈیپنڈنٹ نیوز پاکستان-آئی این پی