آسٹریلیا نے اسرائیل اور عسکریت پسند گروپ حزب اللہ کے درمیان کشیدگی کے باعث شہریوں پر لبنان چھوڑنے کی اپیل کی ہے۔برطانوی میڈیا کے مطابق آسٹریلوی وزیر خارجہ پینی وونگ نے گزشتہ روز سوشل میڈیا پلیٹ فارم ایکس پر جاری ایک ویڈیو میں کہا ہے کہ اب جانے کا وقت آ گیا ہے، سکیورٹی کی صورت حال بہت کم وقت یا بغیر نوٹس کے تیزی سے خراب ہو سکتی ہے،انہوں نے کہا کہ اگر صورتحال مزید خراب ہوتی ہے تو بیروت ہوائی اڈہ مکمل طور پر بند ہو سکتا ہے اور ممکنہ طور پر پھنسے ہوئے لوگ جو لبنان چھوڑنا چاہتے ہیں کام کرتے وقت تجارتی پروازیں استعمال کریں۔ وزارت نے اپنے شہریوں کو لبنان چھوڑنے کی ہدایت کرتے ہوئے کہا ہے کہ اس بات کا حقیقی خطرہ ہے کہ اسرائیل اور عسکریت پسند گروپ حزب اللہ کے درمیان تنائو سنگین طور پر بڑھ سکتا ہے۔ آسٹریلوی امور خارجہ کی ویب سائٹ کے مطابق لبنان میں تقریبا15ہزار آسٹریلوی باشندے مقیم ہیں جن کی تعداد جون سے ستمبر کے موسم گرما کے دوران بڑھ جاتی ہے۔

کریڈٹ: انڈیپنڈنٹ نیوز پاکستان-آئی این پی