عالمی عدالت انصاف کی جانب سے اسرائیلی وزیراعظم بن یامین نیتن یاہو، آرمی چیف ہرزی حلیوی اور وزیر دفاع یواف گیلنٹ کے وارنٹ گرفتاری جاری ہونے کا امکان ہے۔اسرائیلی میڈیا کے مطابق اسرائیلی حکومت کو اعلی قانونی عہدیداروں کی طرف سے وارنٹ گرفتاری جاری ہونے کے اشارے مل گئے ہیں۔عالمی عدالتِ انصاف میں غزہ اور مغربی کنارے میں اسرائیلی جارحیت کی تحقیقات جاری ہیں۔عالمی عدالت انصاف کا پراسیکیوٹر اسرائیلی وزیراعظم نیتن یاہو، اسرائیلی وزیر دفاع یواف گیلنٹ اور اسرائیلی آرمی چیف ہرزی حلیوی کے وارنٹ گرفتاری رواں ہفتے جاری کرنے پر غور کر رہا ہے۔اسرائیلی میڈیا کا کہنا ہے کہ وارنٹ گرفتاری کی اطلاعات پر وزیراعظم نیتن یاہو خوفزدہ اور غیرمعمولی دبا ئوکا شکار ہیں۔اسرائیلی وزیر خارجہ نے کہاکہ اسرائیل کواپنے دفاع سے روکنا کھلے عام اسرائیل کی تباہی کا مطالبہ ہے، اسرائیلی قیادت کیوارنٹ جاری ہونے سے اسرائیلی فوجیوں کو نقصان پہنچے گا۔اسرائیلی وزیر خارجہ نے الزام لگایا کہ حماس غزہ کی آبادی کو انسانی ڈھال کے طور پر استعمال کررہا ہے۔

کریڈٹ: انڈیپنڈنٹ نیوز پاکستان-آئی این پی