پاکستان معاشی چیلنجز سے نبرد آزما ہے، ملک کے معاشی منظرنامے کو ازسر نو بحال کرنے کے لیے بین الاقوامی تجارتی شراکت داری پر توجہ دینا ضروری ہے۔مہنگائی، مالیاتی خسارہ، اور بڑھتے ہوئے بیرونی قرضوں سے معاشی استحکام کو خطرہ لاحق ہونے کے ساتھ، تجارتی شراکت داری نہ صرف ترقی کو فروغ دینے بلکہ طویل مدتی لچک کو بڑھانے کے لیے ایک اسٹریٹجک حل ہے ۔نامور ماہر معاشیات اور ایس ڈی پی آئی کے ڈپٹی ایگزیکٹو ڈائریکٹر ڈاکٹر ساجد امین نے ویلتھ پاک سے بات کرتے ہوئے کہا کہ موجودہ گلوبلائزڈ دنیا میں، مضبوط تجارتی نیٹ ورک والے ممالک پائیدار اقتصادی ترقی کے حصول کے لیے بہتر پوزیشن میں ہیں۔انہوں نے کہاکہ پاکستان کا معاشی مستقبل اہم عالمی ملکوں جیسے چین، یورپی یونین، امریکہ اور مشرق وسطی کے ممالک کے ساتھ اپنے تجارتی تعلقات کو مضبوط بنانے میں مضمر ہے۔ یہ شراکت داری نہ صرف برآمدات میں اضافہ کرے گی بلکہ ان شعبوں میں براہ راست غیر ملکی سرمایہ کاری کو بھی راغب کرے گی جہاں پاکستان کو مسابقتی فوائد حاصل ہیں۔امین نے کہاکہ تجارت معاشی ترقی کی جان ہے۔ جب ممالک ٹیکسٹائل، زراعت، یا ٹیکنالوجی میں اپنی طاقتوں کو برآمد کرنے پر توجہ مرکوز کرتے ہیں، تو وہ جدت، روزگار کی تخلیق اور اقتصادی استحکام کے لیے دروازے کھولتے ہیں۔ پاکستان کے پاس ان شعبوں میں بے پناہ صلاحیت موجود ہے اور مضبوط تجارتی شراکت داری اس صلاحیت کو کھول سکتی ہے۔پاکستان طویل عرصے سے ٹیکسٹائل اور زراعت جیسے شعبوں پر اپنے بنیادی برآمدی انجن کے طور پر انحصار کرتا رہا ہے۔

تاہم، یہ صنعتیں جدید کاری کے لیے تیار ہیںجس سے برآمدات میں نمایاں اضافہ ہو سکتا ہے۔ یہ شعبے تحقیق میں سرمایہ کاری، نئی ٹیکنالوجیز کو اپنا کراور کوالٹی کنٹرول کے اقدامات کو بہتر بنا کر بین الاقوامی منڈیوں میں اپنا حصہ ڈرامائی طور پر بڑھا سکتے ہیں۔ایس ڈی پی آئی کے ڈپٹی ایگزیکٹو ڈائریکٹر نے کہا کہ پاکستان کو اپنی برآمدی منڈیوں کو متنوع بنانے کی ضرورت ہے۔ جبکہ ملک روایتی طور پر چند اہم تجارتی شراکت داروں پر انحصار کرتا ہے، اسے نئے خطوں کو تلاش کرنا چاہیے۔ روایتی شراکت داروں سے آگے تجارت کو وسعت دینے سے پاکستان کے معاشی اتار چڑھا وکے خطرات کم ہوں گے۔ اگر سیاسی یا اقتصادی تبدیلیاں ایک بڑے پارٹنر کے ساتھ تجارت کو متاثر کرتی ہیں، تو متنوع منڈیوں کا ہونا اثر کو کم کر سکتا ہے اور برآمدات کو مستحکم رکھ سکتا ہے۔انہوں نے کہا کہ تجارتی شراکت داری کے امکانات سے فائدہ اٹھانے کے لیے پاکستان کو اپنی مسابقت کو بہتر بنانے کی ضرورت ہے۔ "اس میں کاروبار کرنے کی لاگت کو کم کرنا، قواعد و ضوابط کو آسان بنانا اور اہم بنیادی ڈھانچے جیسے بندرگاہوں، سڑکوں، اور ڈیجیٹل کنیکٹیویٹی میں سرمایہ کاری شامل ہے تاکہ ہموار تجارتی کارروائیوں کو آسان بنایا جا سکے۔ایک مسابقتی معیشت کاروباروں کی ترقی اور توسیع کی حوصلہ افزائی کرتی ہے۔ اگر پاکستان نا اہلی کو کم کر سکتا ہے اور برآمد کنندگان کے لیے بین الاقوامی منڈیوں تک رسائی کو آسان بنا سکتا ہے، تو ہم تجارتی سرگرمیوں میں اضافہ دیکھیں گے، جو اقتصادی ترقی کے لیے ضروری ہے۔

کریڈٹ: انڈیپنڈنٹ نیوز پاکستان-آئی این پی