ایکسپورٹ فیسیلیٹیشن سکیم میں کسی قسم کی تبدیلی سے برآمدات کی نمو کو شدید نقصان پہنچ سکتا ہے، اس لیے حکومت کو اس پر نظرثانی کرنے سے گریز کرنا چاہیے۔ٹیکسٹائل ایکسپورٹرجاوید احمدنے ویلتھ پاک کو بتایا کہ کاروباری برادری متعدد مسائل کی وجہ سے جدوجہد کر رہی ہے۔ انہوں نے وضاحت کی کہ برآمد کنندگان بجلی، گیس اور پیٹرولیم مصنوعات کی بڑھتی ہوئی قیمتوں سے لڑ رہے ہیں۔اب انہیں حکومت کی طرف سے مطلع کیا گیا ہے کہ وہ ایکسپورٹ فیسیلیٹیشن سکیم پر نظرثانی کرنے جا رہی ہے،انہوں نے مزید کہا کہ یہ سکیم برآمد کنندگان کے لیے ایک اہم معاون ہے، جس سے انہیں تجارتی لاگت میں کمی اور منافع بخش رہنے میں مدد مل رہی ہے۔ تاہم، انہوں نے خبردار کیا کہ اسکیم میں تبدیلی سے ٹیکسٹائل کی برآمدات کو شدید دھچکا لگے گا۔موجودہ صورتحال میںاحمد نے نوٹ کیا کہ آئی ایم ایف کے دبا وکی وجہ سے برآمد کنندگان کو کوئی سہولت فراہم نہیں کی جا رہی ہے۔"ہم لوگوں سے درخواست کرتے ہیں کہ وہ ایسے قدم اٹھانے سے گریز کریں۔

انہوں نے کہا کہ ایکسپورٹ فیسیلیٹیشن سکیممیں کسی قسم کی تبدیلی سے برآمد کنندگان اور سرمایہ کاروں کا اعتماد ٹوٹ جائے گا۔ٹیکسٹائل ایکسپورٹر نے وضاحت کی کہ کابینہ کی اقتصادی رابطہ کمیٹی نے ایکسپورٹ فیسیلیٹیشن سکیم2021 میں ضروری پالیسی مداخلتوں کو گرین لائٹ کیا ہے اور درآمد شدہ خام مال کے لیے انشورنس گارنٹی کو بینک گارنٹی سے تبدیل کرنے کی منظوری دی ہے۔ اس اقدام سے برآمد کنندگان پر مالی بوجھ بڑھے گا۔ مزید برآں، انہوں نے کہا کہ حکومت درآمد شدہ خام مال کے استعمال کی مدت کو پانچ سال سے کم کر کے صرف نو ماہ کرنے جا رہی ہے۔احمد نے کہا کہ خام مال کے استعمال کی مدت کو کم کرنے سے پوری چین میں خلل پڑے گا۔ اس تبدیلی کا مطلب ہے کہ برآمد کنندگان کو اپنے سامان کو پروسیس کرنے اور برآمد کرنے کے لیے کم وقت ملے گا۔انہوں نے وضاحت کی کہ بڑے پیمانے پر برآمد کنندگان جو بلک آرڈرز سے نمٹتے ہیں وہ اس کی پابندی کرنے کی پوزیشن میں نہیں ہوں گے کیونکہ انہیں طویل پیداواری سائیکل کی ضرورت ہے۔ اسی طرح، انشورنس گارنٹی کو بینک گارنٹیوں سے بدلنے کے لیے خاطر خواہ ورکنگ کیپیٹل کی ضرورت ہوگی، جس سے برآمد کنندگان کو ایک مشکل صورتحال کا سامنا کرنا پڑے گا کیونکہ انہیں لیکویڈیٹی کی کمی کا سامنا کرنا پڑے گا۔

مالی مجبوریوں کی وجہ سے، انہوں نے کہا کہ ٹیکسٹائل کے برآمد کنندگان آپریشنز میں سرمایہ کاری یا اپنے کاروبار کو بڑھانے کے قابل نہیں ہوں گے۔احمد نے کہا کہ ٹیکسٹائل کا شعبہ پہلے ہی متعدد چیلنجوں سے نبرد آزما ہے، جس کی وجہ سے بین الاقوامی منڈیوں میں مقابلہ کرنا مشکل ہے۔ مجوزہ تبدیلیاں صورتحال کو مزید خراب کر دیں گی۔ایک اور برآمد کنندہ محمد ارشد نے ویلتھ پاک کو بتایا کہ پاکستان کو اپنی معیشت کو پٹڑی پر لانے اور نوجوانوں کے لیے ملازمتیں پیدا کرنے کے لیے سرمایہ کاری کی ضرورت ہے۔ انہوں نے کہا کہ اسکیم میں ردوبدل کرنا تباہی کا نسخہ ہے۔نئے قوانین کے تحت، برآمد کنندگان کو سیلز ٹیکس پہلے سے ادا کرنا ہوگا اور پھر رقم کی واپسی کے لیے درخواست دینا ہوگی۔ یہ عمل ان کے لیے مالی مسائل پیدا کرے گا، جس سے نقدی کے بہا وکے شدید مسائل پیدا ہوں گے۔انہوں نے خدشہ ظاہر کیا کہ ان تبدیلیوں کے بعد زیادہ تر چھوٹے برآمد کنندگان یا کم مارجن پر کام کرنے والے تباہی کے دہانے پر پہنچ جائیں گے۔

کریڈٹ: انڈیپنڈنٹ نیوز پاکستان-آئی این پی ویلتھ پاک