لاہور قلندرز کے ٹاپ آرڈر بیٹر عبداللہ شفیق نے کہا ہے کہ میں نے خود کو ایک فارمیٹ کے لیے محدود نہیں رکھا ہوا جو فارمیٹ ملے اس کو اس کی ضرورت کے مطابق کھیلتا ہوں۔ میڈیا سے بات کرتے ہوئے انہوں نے کہا کہ پی ایس ایل کے پہلے 3 میچز کے لیے میں کمبی نیشن میں سیٹ نہیں ہوسکا تھا، میں نے اس وقت مینجمنٹ کے فیصلے کو قبول کیا اور پریکٹس جاری رکھی، جب مجھے موقع ملا تو میں نے پرفارم کیا اور امید ہے تسلسل کو برقرار رکھوں گا۔عبداللہ شفیق کا ماننا ہے کہ ہر فارمیٹ کے لیے کرکٹ کی بنیادی چیزیں ایک ہی ہوتی ہیں۔انہوں نے کہا کہ میرے دماغ میں یہی ہوتا ہے کہ جو بال ملے اسے میرٹ کے مطابق کھیلوں، ہر فارمیٹ کو اس کے اسٹرائیک ریٹ کے مطابق کھیلنا پڑتا ہے۔عبداللہ شفیق نے کہا کہ بابر اعظم سے بھی میں بہت کچھ سیکھ رہا ہوں۔

کریڈٹ: انڈیپنڈنٹ نیوز پاکستان-آئی این پی