اسلام آباد ہائی کورٹ نے اولمپک چیمپین ارشد ندیم کے کوچ سلمان اقبال بٹ پر عائد پابندی ختم کرنے کے فیصلے کے خلاف پاکستان ایتھلیٹکس فیڈریشن کی درخواست خارج کر دی۔اسلام آباد ہائی کورٹ کے جسٹس ارباب محمد طاہر نے پاکستان ایتھلیٹکس فیڈریشن کی جانب سے دائر درخواست مسترد کرتے ہوئے پاکستان سپورٹس بورڈ کو ہدایت کی کہ وہ ایتھلیٹکس فیڈریشن کی فیصلے کیخلاف اپیل سن کر قانون کے مطابق فیصلہ کرے۔عدالت نے اپنے حکم میں کہا کہ پی ایس بی بورڈ رواں ماہ اپیل سننے کے بعد حتمی فیصلہ کرے۔ پاکستان ایتھلیٹکس فیڈریشن نے کوچ سلمان بٹ پر تاحیات پابندی عائد کی تھی، تاہم سینیٹر پرویز رشید کی سربراہی میں پاکستان سپورٹس بورڈ کے ایڈجوڈیکیٹر نے سلمان اقبال بٹ پر عائد پابندی ختم کرتے ہوے اسے غیر آئینی قرار دیا تھا جس کے خلاف پاکستان ایتھلیٹکس فیڈریشن نے ایس بی ایڈجوڈیکیٹر کے فیصلے کو اسلام آباد ہائی کورٹ میں چیلنج کیا تھا۔

کریڈٹ: انڈیپنڈنٹ نیوز پاکستان-آئی این پی