نیوزی لینڈ کے خلاف سیہ فریقی ٹورنامنٹ کے پہلے میچ میں بولنگ کے دوران انجری کا شکار ہونے والے قومی ٹیم کے فاسٹ بولر حارث رئوف کی ایم آر آئی اور ایکسرے کی رپورٹ آگئی۔پاکستان کرکٹ بورڈ نے حارث رئوف کی گزشتہ روز ہونے والی انجری اور ٹیسٹ رپورٹ سے متعلق اپ ڈیٹ شیئر کی اور بتایا کہ حارث رئوف کو سینے کے نچلے حصے پر پٹھوں میں موچ آئی ہے۔پی سی بی کے مطابق انجری سنگین نہیں اس لیے امید ہے کہ وہ 19 فروری سے کراچی میں شروع ہونے والی آئی سی سی چیمئنز ٹرافی تک مکمل صحت یاب ہوجائیں گے اور ایکشن میں نظر آئیں گے۔ٹیم مینجمنٹ نے احتیاطی تدابیر اور فٹنس کو مدنظر رکھتے ہوئے انہیں جنوبی افریقا کے خلاف 12 فروری کو ہونے والے میچ میں آرام دینے کا فیصلہ کیا ہے۔

کریڈٹ: انڈیپنڈنٹ نیوز پاکستان-آئی این پی