فیم فٹ بال کلب کے زیراہتمام فیم سپورٹس چیلنج کپ کا میلہ میزبان فیم سپورٹس کی فتح کے ساتھ اختتام پذیر ہوگیا۔ گزشتہ روز کھیلے گئے فائنل میں فیم سپورٹس کلب نے دلچسپ مقابلے کے بعد سنتوس کلب کو ایک صفر سے شکست دے کر ٹائٹل پر قبضہ برقرار رکھا۔ فاتح ٹیم کیلئے میچ کا واحد گول سٹرائیکر کامران نے میچ کے پہلے ہاف میں سکور کیا۔ ٹورنامنٹ آرگنائرز ضیا ڈوگر نیفاتح ٹیم کو ایک لاکھ پچاس ہزار روپے انعامی رقم اور خوبصورت ٹرافی سے نوازا۔ رنراپ ٹیم سنتوس کو ٹرافی کے ساتھ ایک لاکھ روپے انعام ملا جبکہ تیسرے نمبر پر رہنے والی ٹیم ریال لاہور کو تیس ہزار روپے اور ٹرافی ملی۔ ایونٹ کے بہترین سٹرائیکر کا ایوارڈ فیم کے کھلاڑی قدیر خان اور بہترین گول کیپر کا اعزاز حسن نے حاصل کیا۔ ایونٹ کے اختتام پر آرگنائرز ضیا ڈوگر نے ایونٹ مینجمنٹ ، کھلاڑیوں اور شائقین کا ایونٹ کے کامیاب انعقاد میں کردار ادا کرنے پر شکریہ ادا کیا۔

کریڈٹ: انڈیپنڈنٹ نیوز پاکستان-آئی این پی