چٹاگانگ کنگز کے کپتان محمد مٹھن نے اپنے مخالف ہم منصب مہدی حسن میراز کی تعریف کی جب کہ ٹام او کونل کو واپس بلایا جو ڈھاکا میں کھلنا ٹائیگرز کے خلاف بنگلہ دیش پریمئر لیگ(بی پی ایل) میچ کے دوران ٹائم آئوٹ ہو گئے تھے۔ کرکٹ ویب سائٹ کی رپورٹ کے مطابق چٹاگانگ کے 204 رنز ہدف کے تعاقب کے دوران 3 منٹ کے وقفے کے بعد آسٹریلوی لیگ اسپنر ٹام او کونل بیٹنگ کے لیے میدان میں آئے جس پر فیلڈنگ کپتان مہدی حسن میراز اپنی ٹیم کے کئی ساتھیوں کے ساتھ امپائر کے پاس گئے اور تاخیر کے بارے میں بات کی۔اس پر گرائونڈ میں موجود امپائرز نے او کونل کو آئوٹ قرار دیا اور جب وہ پویلین لوٹنے لگے تو مہدی حسن میراز نے انہیں واپس بلا لیا۔مخالف کپتان محمد متھن نے تسلیم کیا کہ آئوٹ قرار دیا جانا ٹھیک تھا اور کہا کہ وکٹیں تیزی سے گرنے کی وجہ سے او کونل حیران تھے اور نمبر 7 پر بیٹنگ کرنے کے لیے آنے کے باوجود ان کے پاس تیار ہونے کے لیے کافی وقت نہیں تھا۔انہوں نے کہا کہ میں ذاتی طور پر محسوس کرتا ہوں کہ مہدی حسن میراز نے شاندار کام کیا، اس نے دکھایا کہ ان کا دل بڑا ہے، فیلڈنگ سائیڈ کی طرف سے اپیل کرنا اصولوں کے مطابق ہے، او کونل کو بیٹنگ کے لیے واپس بلانے کا سہرا مہدی حسن میراز کو جاتا ہے۔او کونل کی بیٹنگ کی باری اس وقت آئی جب پاکستانی بلے باز حیدر علی دوسری گیند پر صفر پر آٹ ہوگئے، چٹاگانگ کا اسکور اس وقت ساتویں اوور میں 5 وکٹ پر 56 رنز تھا، بعد میں او کونل گولڈن ڈک پر آٹ ہوگئے، وہ شارٹ مڈ وکٹ پر پاکستانی اسپنر محمد نواز کی گیند پر کیچ آئوٹ ہوئے جہاں مہدی حسن نے ان کا آسان کیچ لیا۔کھلنا ٹائیگرز نے چٹاگانگ کنگز کو 37 رنز سے شکست دے دی۔

کریڈٹ : انڈیپنڈنٹ نیوز پاکستان-آئی این پی