قومی ٹیم کرکٹ ٹیم کے سابق مایہ نازم کھلاڑی ہارون رشید نے کہا کہ بھارت ہمارا روایتی حریف ہے، اسے فائنل میں ہرانا بڑی کامیابی ہے۔ ایک انٹرویو میں ہارون رشید کا کہنا ہے کہ کھلاڑیوں کی محنت اور اچھی کارکردگی سے فتح ملی، ایشیا کپ جیت لیا اب ورلڈ کپ کا سوچیں وہاں، آسٹریلیا، نیوز لینڈ اور انگلینڈ سے مقابلہ ہوگا۔ہارون رشید نے کہا کہ تیاری ابھی سے کرنی ہوگی، سرفراز احمد کا فزیکلی ٹیم میں گھل ملنا بہت خوش آئند عمل ہے، کوچ کے اس طرح کے برتا ئوسے ہمیشہ مثبت نتائج برآمد ہوتے ہیں، سرفراز یقینا پوری ٹیم کا رول ماڈل ہوگا۔ان کا مزید کہنا تھا کہ بچے اس کی بات مان رہے ہیں جو کہ ہمیں فیلڈ میں نظر بھی آرہا ہے، کھلاڑیوں نے بھی آج لڑ کر دکھایا اور کامیابی حاصل کی۔

کریڈٹ: انڈیپنڈنٹ نیوز پاکستان-آئی این پی