پاکستان باکسنگ فیڈریشن نے ایشین جونیئر بوائز اینڈ گرلز باکسنگ چیمپئن شپ میں پاکستان کیلے کانسی کا تمغہ جیتنے پر عائشہ ممتاز کیلے کیش انعام نواز دیا جبکہ پاکستان سپورٹس بورڈ کی انکوائری رپورٹ کو مکمل جانبدرانہ قرار دیتے ہوے فیڈریشن عہدداران پر عاد پابندی کو یکسر مسترد کردیا۔ پاکستان باکسنگ فیڈریشن کے صدر محمد خالد محمود کی صدارت میں فیڈریشن جنرل کونسل اور ایگزیکٹو کمیٹی کا اجلاس منعقد ہوا جس میں عائشہ ممتاز کی ایشین جونیر چیمپین شنپ میں شاندار کارکردگی پر ایک لاکھ روپے انعام کا اعلان کیا۔ اجلاس میں پاکستان سپورٹس بورڈ کے رویے پر سخت تشویش کا اظہار کرتے ہوے ایک باکسرکے سرکاری پاسپورٹ پر اٹلی میں روپوش ہونے کے واقعہ کی آڑ میں بے بنیادی رپورٹ کو متفقہ طور پر مسترد کر دیا جس نے سرکاری پاسپورٹ پر اولمپک کوالیفائرز کے لیے اٹلی کا سفر کیا جس کے پاس اپنے محکمے کا این او سی موجود تھا ۔ اجلاس میں پاکستان باکسنگ فیڈریشن کی آئینی ترامیم ، مالی سال 2023-2024 کی آڈٹ رپورٹ کی منظوری سمیت بیگم عشرت اشرف کے پاکستان باکسنگ فیڈریشن کی چیئرپرسن کے طور پر انتخاب کی توثیق کی گی۔

کریڈٹ: انڈیپنڈنٹ نیوز پاکستان-آئی این پی