ہالی ووڈ کی سپر سٹار انجلینا جولی نے انکشاف کیا ہے کہ انہوں نے خودکشی کے خیالات سے نبردآزما ہوتے ہوئے اپنے قتل کی منصوبہ بندی کے لیے ایک ہٹ مین کی تلاش کی تھی۔اپنے دی فیس انٹرویو میں انہوں نے مزید تفصیل سے بتایا کہ کس طرح نیو یارک میں ایک ہٹ مین کو تلاش کرنا اتنا مشکل نہیں تھا جتنا کوئی سوچ سکتا ہے۔اداکارہ نے بتایا کہ انہیں یقین تھا کہ ایک قتل ان کے پیاروں کو ان کی خودکشی کے جرم سے بچا لے گا اور ان کے اہل خانہ خود کو ذمہ دار محسوس نہ کریں گے۔انجلینا جولی نے بتایا کہ پیشہ ور قاتل کا جواب بہت ہمدردانہ تھا اور اس نے اداکارہ سے کہا کہ وہ اس پر مکمل سوچ بچار کے بعد دو مہینے بعد اس سے دوبارہ رابطہ کریں جبکہ بعد میں اداکارہ کا فیصلہ تبدیل ہوگیا۔

کریڈٹ: انڈیپنڈنٹ نیوز پاکستان-آئی این پی