سرگودھا میں پالتو کتے کو مارنے سے منع کرنے پر 17 افراد نے بھائی بہن کو تشدد کا نشانہ بنا ڈالا۔بھاگٹانوالہ پولیس کے مطابق متاثرہ خاتون نے مقدمے کی درخواست میں الزام عائد کیا کہ بنگلہ لالوالی کے قریب اپنے بھائی کے ہمراہ موٹر سائیکل پر جانے کے دوران مرکزی ملزم نے ساتھیوں سمیت دونوں کو تشدد کا نشانہ بنایا۔متاثرہ خاتون نے مزید بتایا کہ 4 روز قبل مرکزی ملزم ہمارے کتے کو مار رہا تھا جسے ہم نے منع کیا تو اس نے غصے میں ہمیں دھمکیاں دیں تھیں۔پولیس کا کہنا ہے کہ ڈی پی او محمد صہیب اشرف کے حکم پر 13 نامزد اور 4 نامعلوم افراد مقدمہ درج کر کے ملزمان کی تلاش شروع کردی گئی ہے۔

کریڈٹ: انڈیپنڈنٹ نیوز پاکستان-آئی این پی