وزیراعظم کے مشیر برائے سیاسی امور رانا ثنا اللہ نے کہا ہے کہ سیاست اور جمہوریت ڈیڈلاک سے نہیں مذاکرات سے آگے بڑھتی ہے، سیاسی جماعتوں کو مل بیٹھ کر مسائل پر بات کرنی چاہیے۔ ایک ٹی وی چینل سے گفتگو میں رانا ثنا اللہ نے کہا کہ وزیراعظم پہلے بھی چار بار پی ٹی آئی کو مذاکرات کی دعوت دے چکے ہیں۔انہوں نے کہا کہ مذاکرات کی دعوت کے جواب میں بانی پی ٹی آئی نے مثبت جواب نہیں دیا، بانی پی ٹی آئی سیاست نہیں کر رہے، مذاکرات کرنا ان کی پالیسی میں نہیں۔رانا ثنا اللہ نے مزید کہا کہ بانی پی ٹی آئی کے سوا ان کی جماعت میں اور کسی کے پاس اختیارات نہیں، بانی پی ٹی آئی مذاکرات نہیں افراتفری چاہتے ہیں۔

کریڈٹ: انڈیپنڈنٹ نیوز پاکستان-آئی این پی