اقوام متحدہ جنرل اسمبلی میں پاکستان نے روہنگیا مسلمانوں کی محفوظ واپسی کا مطالبہ کرتے ہوئے کہا ہے کہحالیہ دنوں میں میانمارکی ریاست رخائن میں پرتشدد کارروائیوں نے مشکلات کو شدید تر بنادیا ہے۔ ان خیالات کا اظہار اقوام متحدہ میں پاکستان کے مستقلمندوب عاصم افتخار نے اقوام متحدہ میں روہنگیا مسلمانوں اور دیگر اقلیتوں کی صورتحال پراعلی سطح کانفرنس میں خطاب کرتے ہوئے کیا ۔انہوں نے کہاکہ روہنگیا مسلمان کئی دہائیوں پرمحیط بے دخلی اور حقوق سے محروم ہیں۔انہوں نے کہا کہ حالیہ دنوں میں میانمارکی ریاست رخائن میں پرتشدد کارروائیوں نے مشکلات کو شدید تر بنادیا ہے، مزید ہزاروں افراد کو ہجرت پرمجبور ہونا پڑا اورانسانی بحران مزیدسنگین ہوگیا۔عاصم افتخار کا کہنا تھا کہ عالمی برادری یکجہتی کے وعدوں کو عملی اقدامات میں بدلنے پرتوجہ دے۔

کریڈٹ: انڈیپنڈنٹ نیوز پاکستان-آئی این پی