سکھر اور روہڑی کے شہریوں کے لئے پینے کے پانی کا سب سے بڑا منصوبہ تعمیر کے آخری مرحلے میں داخل ہو گیا ۔تفصیل کے مطابق روہڑی میں دریائے سندھ کے کنارے 63 کروڑ روپے کی لاگت سے جدید واٹر فلٹریشن پلانٹ کی تعمیر تیزی سے جاری ہے، ڈسٹرکٹ کونسل چیئرمین سید کمیل حیدر شاہ نے اس منصوبے کا معائنہ کیا، اس موقع پر ڈپٹی کمشنر نادر شہزاد خان، ایس ایس پی اظہر خان مغل اور دیگر منتخب نمائندے بھی ہمراہ تھے۔چیئرمین ڈسٹرکٹ کونسل کے مطابق یہ صوبہ منصوبہ سندھ کا پہلا جدید واٹر فلٹر پلانٹ ہے جو دریائے سندھ سے پانی لے کر جدید ٹیکنالوجی کے ذریعے صاف کرکے شہریوں کو فراہم کرے گا۔چیئرمین ڈسٹرکٹ کونسل کا کہنا تھا کہ یہ جدید منصوبہ ڈھائی سے تین ماہ میں مکمل ہوگا۔ یہ واٹر فلٹریشن پروجیکٹ روہڑی کے شہریوں کے لیے خوش آئند سمجھا جا رہا ہے۔

کریڈٹ: انڈیپنڈنٹ نیوز پاکستان-آئی این پی