ڈکیتی چوری اور ہنی ٹریپ جیسی سنگین وارداتوں میں پولیس اہلکار بھی ملوث پائے گئے،2025 میں 167 پولیس اہلکاروں کے خلاف مقدمات درج کیے گئے تفصیلات کے مطابق ڈکیتی، چوری اورہنی ٹریپ کی وارداتیں،چورڈکیت ہی نہیں،پولیس والے بھی کرتے رہے،2025 میں اہلکاروں کے خلاف96 مقدمات درج ہوئے،جن میں 167 پولیس اہلکاروں کو نامزد کیا گیا۔کانسٹیبل سے لیکر سب انسپکٹر رینک کیپولیس اہلکار،نہ صرف مختلف جرائم بلکہ ڈکیتی اور ہنی ٹریپ جیسی سنگین وارداتوں میں ملوث تھے۔ڈی آئی جی انویسٹی گیشن ذیشان رضا کا کہنا ہے کہ قانونی ماہرین کہتے ہیں کہ قانون نافذ کروانے والے ہی اگر قانون شکنی پر اتر آئیں تو کارروائی سخت ہونی چاہیے۔پولیس حکام کے مطابق جرائم میں ملوث اہلکاروں کیخلاف محکمانہ کارروائی کے ساتھ ساتھ قانون کا شکنجہ بھی سخت کیا جائیگا۔

کریڈٹ: انڈیپنڈنٹ نیوز پاکستان-آئی این پی