رحیم یارخان کے علاقے لیاقت پور کی بستی بھٹی میں سگریٹ پیتے وقت ایک شعلہ کپڑوں پر گرگیا جس کے باعث سگریٹ نوشی کرنے والا شخص بری طرح جھلس گیا۔ ریسکیو کے مطابق سگریٹ کے شعلے سے کپڑوں میں آگ لگ گئی، جس کے نتیجے میں 45 سالہ اقبال نامی شخص شدید زخمی ہوگیا۔ریسکیو کے مطابق زخمی شخص کو تشویشناک حالت میں تحصیل اسپتال لیاقت پور کے بعد شیخ زاید اسپتال رحیم یار خان منتقل کر دیا گیا ۔ریسکیو حکام کا بتانا ہے کہ متاثرہ شخص کا جسم 30 فیصد جھلس گیا ہے۔

کریڈٹ: انڈیپنڈنٹ نیوز پاکستان-آئی این پی