راولپنڈی میں ڈاکٹرز نے نومولود زندہ بچے کا ڈیتھ سرٹیفکیٹ جاری کر دیا۔والدین نے بچے کے زندہ ہونے کی تصدیق کی تو بچے کو فوری وینٹی لیٹر پر شفٹ کر دیا گیا۔تفصیل کے مطابق والدین نے بتایا کہ گزشتہ روز ہولی فیملی اسپتال میں بچے کی پیدائش ہوئی، بچے کی حالت خراب تھی، بچے کے ڈیٹھ سرٹیفکیٹ پر ڈاکٹرز نے میت لواحقین کے حوالے کرنے کی تصدیق بھی کی۔ والدین نے جب بچہ وصول کیا تو اس کی سانس چل رہی تھی، آکسیجن ماسک لگے بچے کو سانس لیتے ہوئے بھی دیکھا گیا۔اس حوالے سے اسپتال انتظامیہ نے کہا کہ بچہ Lazarus syndrome کا شکار تھا جس میں سانس مدہم ہو جاتی ہے، معاملے کی انکوائری کیلئے کمیٹی قائم کر دی ہے۔انتظامیہ کے مطابق ڈیتھ سرٹیفکیٹ جاری کرنے میں جو بھی ذمہ دار ہوا اس کے خلاف کارروائی ہوگی۔

کریڈٹ: انڈیپنڈنٹ نیوز پاکستان-آئی این پی