پنجاب بھر کے تمام سرکاری و نجی تعلیمی ادارے آج سے کھل گئے۔محکمہ تعلیم کے مطابق صوبے میں موسم سرما کی تعطیلات 20 دسمبر سے شروع ہوئی تھیں، طلبہ کو مجموعی طور پر 30 دن کی چھٹیاں دی گئیں جبکہ موسمِ سرما کی تعطیلات کے بعد پیر سے تعلیمی سرگرمیاں بحال کردی گئی ہیں۔پنجاب بھر کے سرکاری سکولوں کے نئے اوقاتِ کار کا باقاعدہ نوٹیفکیشن بھی جاری کر دیا گیا ہے۔نوٹیفکیشن کے مطابق نئے تعلیمی اوقات 19 جنوری سے 15 اپریل 2026 تک نافذ العمل رہیں گے۔محکمہ تعلیم نے واضح کیا ہے کہ اساتذہ کیلئے پیر سے جمعرات تک کنٹینیوئس پروفیشنل ڈویلپمنٹ(سی پی ڈبلیو) اور نصابی تیاری میں شرکت لازمی ہو گی تاکہ تعلیمی معیار کو بہتر بنایا جا سکے۔

کریڈٹ: انڈیپنڈنٹ نیوز پاکستان-آئی این پی