پنجاب میں بلدیاتی انتخابات سے متعلق الیکشن کمیشن کا اجلاس آج (جمعہ کو) ہوگا۔اس سے قبل الیکشن کمیشن نے اجلاس جمعرات کو طلب کیا تھا، تاہم ذرائع کا کہنا ہے کہ اب یہ اجلاس آج 31 اکتوبر کو ہوگا، جس کے لئے الیکشن کمیشن کی جانب سے چیف سیکرٹری پنجاب اور سیکرٹری لوکل گورنمنٹ کو بھی طلب کیا گیا ہے۔اہم اجلاس میں پنجاب کے بلدیاتی انتخابات سے متعلق امور زیر غور آئیں گے۔ پنجاب میں حلقہ بندیوں اور ڈیمارکیشن رولز پر بریفنگ دی جائے گی۔ علاوہ ازیں الیکشن کمیشن بلدیاتی انتخابات کی تیاریوں کا جائزہ لے گا۔اجلاس میں قانونی و انتظامی امور کی تکمیل پر بھی بریفنگ متوقع ہے۔

کریڈٹ: انڈیپنڈنٹ نیوز پاکستان-آئی این پی