لاہور سمیت پنجاب میں فضائی آلودگی خطرناک حد تک بڑھ گئی، مختلف علاقوں میں ایئر کوالٹی انڈیکس انتہائی تشویشناک سطح تک جا پہنچا ہے۔صوبائی دارالحکومت آلودہ ترین شہروں میں جمعہ کے روز پھر سرفہرست آگیا، شہر کا مجموعی ایئر کوالٹی انڈیکس 474 کو چھو گیا ہے۔ماحولیاتی ویب سائٹ کے مطابق لاہور کے علاقے سید مراتب علی روڈ کا اے کیو آئی 804، گلبرگ میں 678، ڈی ایچ اے 569، پنجاب یونیورسٹی کے اطراف کا 468 اور ماڈل ٹان کے علاقے کا ایئر کوالٹی انڈیکس 471 ریکارڈ کیا گیا ہے۔اس کے علاوہ پنجاب کے دیگر شہروں فیصل آباد میں اے کیو آئی 626 اور گوجرانوالہ میں 515 تک پہنچ گیا۔ پاکستان کے آلودہ ترین شہروں میں کراچی گیارہویں نمبر پر جبکہ دنیا بھر کیآلودہ ترین شہروں میں کراچی کا 12 واں نمبر ہے۔

ہوا میں آلودہ ذرات کی مقدار 152 پرٹیکیولیٹ میٹر ریکارڈ کی گئی ہے۔ محکمہ موسمیات کے مطابق گزشتہ روز درحہ حرارت 32 ڈگری ریکارڈ کیا گیا ۔ موجودہ درجہ حرارت 18 ڈگری سینٹی گریڈ ہے، ہوا میں نمی کا تناسب 75 فیصد ہے۔ شمال مشرقی خشک ہواں کی رفتار کم، موسم گرم و خشک رہے گا۔ شمال مشرق سمت سے 6 کلومیٹر فی گھنٹہ کی رفتار سے ہوائیں چلیں گی۔ ماہرین صحت نے شہریوں کو ماسک استعمال کرنے، غیر ضروری باہر آنے جانے سے گریز کرنے اور گھروں میں ایئر پیوریفائر کا استعمال بڑھانے کی ہدایت کی ہیماحولیاتی ماہرین کا کہنا ہے کہ فصلوں کی باقیات جلانے، ٹریفک کے دبا اور صنعتی اخراج کے باعث شہر کی فضا بدترین آلودگی کا شکار ہو رہی ہے۔

کریڈٹ: انڈیپنڈنٹ نیوز پاکستان-آئی این پی