پنجاب حکومت نے وفاقی حکومت سے انتہا پسند جماعت پر پابندی عائد کرنے کی سفارش کرنے اور افغان شہریوں کو ٹیکس نیٹ میں لانے سمیت غیر قانونی افغان باشندوں کا رئیل ٹائم ڈیٹا تیار کرنے کا فیصلہ کیا ہے، پنجاب میں نفرت انگیزی، اشتعال انگیزی اور قانون شکنی میں ملوث افراد کوفوری گرفتار کیا جائے گا ۔ یہ فیصلے وزیراعلی پنجاب مریم نواز کی زیر صدارت امن و امان سے متعلق اجلاس میں گئے گئے ۔اجلاس کے اعلامیے میں کہا گیا ہے کہ پنجاب حکومت وفاقی حکومت کو انتہا پسند جماعت پر پابندی عائد کرنے کی سفارش کرے گی، انتہا پسند جماعت کی قیادت کو انسداد دہشتگردی ایکٹ کے فورتھ شیڈول میں شامل کیا جائے گا۔اعلامیے کے مطابق پولیس افسران کی شہادت، سرکاری املاک کی تباہی میں ملوث رہنماں اور کارکنوں پر مقدمات چلیں گے، انتہا پسند جماعت کی تمام جائیدادیں اور اثاثے محکمہ اوقاف کی تحویل میں دی جائیں گی، انتہا پسند جماعت کے پوسٹرز، بینرز اور اشتہارات پر مکمل پابندی ہو گی۔وزیر اعلی پنجاب کی زیر صدارت اجلاس کے اعلامیے میں کہا گیا ہے کہ نفرت پھیلانے والی انتہا پسند جماعت کے سوشل میڈیا اکانٹس بند کیے جائیں گے، انتہا پسند جماعت کے تمام بینک اکانٹس منجمد کیے جائیں گے، لاڈ اسپیکر ایکٹ کی خلاف ورزی پر سخت ترین کارروائی ہو گی۔اعلامیے کے مطابق محکمہ داخلہ پنجاب کی جانب سے ایک ماہ میں غیر قانونی اسلحہ جمع کروانے کا الٹی میٹم جاری کیا گیا ہے

ایک ماہ کے اندر شہری اپنے قانونی اسلحے کو خدمت مرکز سے رجسٹر کرائیں گے، اسلحہ فروشوں اور تمام ڈیلرز کے اسٹاک کا معائنہ کرنے کا فیصلہ بھی کیا گیا ہے، پنجاب میں نئے اسلحہ لائسنس جاری کرنے پر مکمل پابندی کر دی گئی ہے۔اجلاس کے اعلامیے کے مطابق پنجاب حکومت کی وفاقی حکومت سیاسلحہ فیکٹریز اور مینوفیکچررز کو ریگولرائز کرنے کی سفارش کی گئی ہے جبکہ صوبائی حکومت نے غیر قانونی اسلحہ رکھنے کی سزا میں اضافے کی منظوری بھی دے دی ہے۔پنجاب میں غیر قانونی اسلحہ رکھنا ناقابل ضمانت جرم ہوگا، غیر قانونی اسلحہ رکھنے کی سزا 14 سال قید اور 20 لاکھ روپے تک جرمانہ ہو گا۔ علاوہ ازیں اجلاس میں افغان شہریوں کو ٹیکس نیٹ میں لانے کا فیصلہ کیا گیا جب کہ غیر قانونی افغان باشندوں کا رئیل ٹائم ڈیٹا تیار کرنے کا فیصلہ بھی کیا گیا ہے۔ اعلامیے میں کہا گیا ہے کہ غیر قانونی تارکین وطن کے لیے وسل بلوئر سسٹم متعارف کرایا جائے گا اور اطلاع دینے والے کا نام مکمل رازداری میں رکھا جائے گا۔اس کے علاوہ پنجاب حکومت نے غیرقانونی رہائشیوں اور ان کے کاروباروں کے خلاف کومبنگ آپریشن کا فیصلہ کیا ہے جب کہ غیرقانونی غیرملکی باشندوں کو وفاقی حکومت کی پالیسی کے مطابق فوری ڈی پورٹ کیا جائے گا۔

کریڈٹ: انڈیپنڈنٹ نیوز پاکستان-آئی این پی